Af hverju er svo lítið textað í Sjónvarpi?

Heyrnarlausir og heyrnarskertir hafa lengi barist fyrir því að fá íslenskt efni textað í Sjónvarpi þ.e. fréttir, fræðslu- og skemmtiefni. Tíu prósent Íslendinga eru heyrnarlausir eða svo heyrnardaufir að þeir geta ekki notið talaðs máls í útvarpi né sjónvarpi. Þetta gerir þá óörugga og stuðlar með öðru að meiri einangrun en þyrfti að vera. Þess vegna er nauðsynlegt að stjórnvöld tryggi jafnt aðgengi allra landsmanna að því efni sem flutt er í sjónvarpi.

Textað efni í Sjónvarpinu er mun sjaldgæfa en var fyrir nokkrum árum. Þetta er slæm þróun fyrir heyrnarlausra. Allt erlent efni eins og fræðslumyndir var textað fyrir tuttugu árum. Nú eru allir slíkir þættir með íslensku talmáli. Þar með geta heyrnarlausir og heyrnarskertir ekki notið þess. 

Í fyrrakvöld var sýndur fræðslumynd Bláa búddamyndin í Rússlandi í RUV-Sjónvarpi sem er erlend en var með raddþul á íslensku og enginn texti með því.  Það er hinn óskiljanlega tíska að taka erlendar heimildarmyndir, henda út upprunarlega þulinum og láta í staðinn einhvern Íslending tala.  Hvílík og önnur eins sóun á mannauði og peningum er líka sóað í talsetningu og hluti þjóðarinnar getur ekki notið þáttanna fyrir vikið.

Í Bandaríkjunum eru til lög um að allt sjónvarpsefni skuli vera textað. Fréttir eru textaðir í beinni útsendingu, þá er notaður rittúlkur, sem skrifar allt sem sagt er. Margar Sjónvarpsstöðvar eru í Bandaríkjunum og er texti á þeim öllum.  Í Bretlandi er gífurleg aukning á textun á sjónvarpsefni á síðustu 15 árum.  Nú er 99% sjónvarpsefnis textað á BBC1 og 97% á BBC2.

Í dag er ódýrari og auðveldari að sýna texta með öllu sjónvarpsefni.  Það er lítið mál að setja texta.  Tækni er orðið betra en svo virðist að texti er ekki sjálfsagður hlutur í sjónvarpsstöðvum og því verður að breyta.    Núna er tískuorðið "aðgengi fyrir alla" sem allir vilja nota.  Hvers vegna höfum við ekki sama aðgengi og aðrir að sjónvarpi? Þeir hafa útvarpið og sjónvarpið. Við höfum bara myndir og táknmálsfréttirnar og allt hitt fer fram hjá okkur. 

Heyrnarlaus Íslandsmeistari kvenna í keilu

Anna Kristín Óladóttir æfir og keppir í keilu með Keilufélagi Keilu.  Í fyrrakvöld varð hún Íslandsmeistari kvenna með forgjöf í keilu.    Anna er heyrnarlaus og þetta er glæsilegt afrek hjá henni.  

Það er mjög einstakt að heyrnarlaus einstaklingur verði Íslandsmeistari í einhverju íþróttagrein.  Ég man ekki eftir að það hafi gerst áður.   Því má segja að Anna hefur brotið blað í íþróttasögu heyrnarlausra á Íslandi.   

Þetta er í fyrsta sinn sem Keilufélagið Keila, KFK, eignast Íslandsmeistara í einstaklingsflokki, en aðeins eru rétt rúm fjögur ár síðan félagið var stofnað.  Anna hefur æft og keppt í keilu í mörg ár. Þetta er glæsilegt hjá henni og gaman að frétta af góðu gengi hjá heyrnarlausum.    

Ég vil óska Önnu Óladóttur innilega til hamingju með tiltilinn. 

Sjá frétt hér.

Pepsi gerir auglýsingu á táknmáli í Bandaríkjunum

PepsiCo var með þögla 1 mínútna auglýsingu á meðan Super Bowl stóð yfir nýlega.   Þetta var auglýsing á amerísku táknmáli (ASL) og sýnd með texta.    Auglýsingin var gerður af starfsmönnum PepsiCo og markmiðið var að auka vitund fyrir almenning um heyrnarlausa og fatlaðra almennt.   Viðtökur við auglýsinguna fóru fram úr björtustu vonum.   PepsiCo hafði samband við NAD (Landssamband heyrnarlausra) og fengu ráð hjá þeim líka.  NAD fagnar þessari auglýsingu.  

Horfið á nýju Super Bowl 2008 auglýsingu frá Pepsi's hér að neðan.  Bráðfyndin og skemmtileg auglýsing.   

 

Hér að neðan er upplýsingar um auglýsinguna sjálfan, frásögn um auglýsinguna o.s.frv.  

Sjá hér : www.pepsi.com/bobshouse.

Super Bowl í Bandaríkjunum: Sjónvarpsauglýsingar með texta

Auglýsingar á meðan Super Bowl í Bandaríkjunum virðist njóta meiri athygli en fótboltaleikurinn sjálft sem er sýndur í beinni útsendingu og horfa á um 97 milljón manns.   Flest auglýsingar eru glænýjar og eru sýndir um 30 til 60 sekúndur. 

Að auglýsa er mjög dýrt.   Hver 30 sekúnda auglýsing kostar 2,7 milljón bandaríska dollara (framleiðslukostnaður auglýsingar er ekki innifalið).   Vakin er athygli á því að það kosti aðeins 200 bandaríska dollara að texta hverja auglýsingu.   Sem þýðir aðeins kostar að texta 0,074% sem er lítill peningur miðað við hvað kosti að auglýsa. 

Á hverjum ári fylgist Captions.com með auglýsingum á meðan fótboltaleikurinn stendur yfir, til að sjá hvaða auglýsingar eru sýndir með texta og hverjir ekki.  Þeir halda upp heimasíðu og þar er hægt að sjá hverjir settu texta og hverjir ekki og hægt er að sjá þróun frá árinu 2000. 

Í Bandaríkjunum er mikil áhersla lögð á aðgengi almennt.   Næstum allt er textað og jafnvel í beinni útsendingu.  Fólk hafa því val á hvort á að koma fram texti eða ekki sem er svipað og textavarp 888.    Núna er mikið fylgst með auglýsingum og sérstaklega á Super Bowl.  

Ég er því viss um að eftir nokkur ár verður allt textað hérlendis og jafnvel auglýsingar í Sjónvarpsstöðum.   Hér á Íslandi er næstum ekkert texti á auglýsingar.   Við erum alltaf tala um aðgengi og sú þróun kemur að því að skylda alla að texta svo heyrnarlausir, heyrnarskertir, nýbúar og aldraðir sem eru að missa heyrn geti fylgst með eins og hver aðrir.    

Sjá heimasíðu hér. 

Sjálfstætt starfandi talmeinafræðingar sögðu upp samningi við TR

Í fréttum ruv.is í gær kom fram að móðir tveggja heyrnarlausra barna greiðir tæpar 38.000 krónur á mánuði fyrir þjónustu talmeinafræðinga. Fyrir einu ári borgaði hún tvöfalt minna.

Talmeinafræðingar sögðu upp samningi við Tryggingastofnun haustið 2007 og í kjölfar hækkaði gjaldskráin þeirra. Deilan talmeinafræðinga við Tryggingastofnun er afar flókin er sagt í fréttinni.

Talmeinafræði er löggilt starfsheiti, þeir sem hafa fengið leyfi frá Heilbrigiðsráðuneytinu geta einir starfað sjálfstætt sem talmeinafræðingur. Talmeinafræðingar vinna í nánu samstarfi við kennara, lækna og aðrar uppeldis-og heilbrigðisstéttir. Talmeinafræðingar og talkennarar beita mismunandi aðferðir sem er eintaklingsbundið og byggist á nákvæmri greiningu. T.d. getur verið að styrkja talfæri, leiðrétta framburð, lagfæra tunguþrýsting, draga úr raddvandamálum, draga úr stami og draga úr þvoglumæli.

Frétt frá ruv.is

Kínverskur matur: Appelsínukjúklingar

Þeir sem hafa bragðað kínverskan mat í Bandaríkjunum hafa eflaust uppgötvað að kínverskur maturinn þar er svolítið öðruvísi en kínverskur matur á Íslandi.  Ekki er kínverskur matur eins í Kína heldur.  Í Bandaríkjunum fékk ég mér oft "Orange Chicken" sem fékkst alls staðar í kínverskum veitingarhúsum í Bandaríkjunum.  Hann er mjög góður en getur verið of sætur, og þá er bara um að minnka sykur eða nota frekar appelsínusafa.  Ég mæli með honum.  Hér er ein uppskrift fyrir sex manns að því sem ég hef verið að þróa.  Hann svíkur engan.

1 kíló úrbeinað kjúklingarlæri eða kjúklingabringur
1 egg
1-1/2 tsk salt
Hvít pipar
1 msk olía
1/2 bolli hveiti
Olía fyrir steikingu 
1 msk. engiferrrót (saxaður)
1 tsk saxaður hvítlaukur
1 rauður chiles saxaður (rauður pipar)
1/4 bolli saxaður graslaukur
1 msk sherrý 
1/4 bolli vatn 
1 tsk sesame olía

Appelsínusósa:
1-1/2 msk. soya sósa
1-1/2 msk. appelsínusafi (má vera vatn)
5 msk. sykur eða 5 msk appelsínumarmelaði
5 msk. hvítt edik
3 msk fínt rifinn appelsínubörkur

Aðgerð:

1. Skerið kjúklinga í bita og setjið í stór skál. 
2. Hrærið egg, salt, pipar, og 1 msk olíu saman.   Setjið kjúklinga í þetta.
3. Setjið hveiti í skál.   Þekja kjúklinga vel í hveiti.   
4. Hitið olíu fyrir djúpsteikingu (ég nota olífuolíu og ekki mikið) í wok pönnu.  Setjið kjúklinga, smátt og smátt saman við og steikið í 3-4 mínútur þar til þetta verður gult brúnt. 
5. Fjarlægið kjúkling og setjið á eldhúspappír.   
6. Þvoið wok pönnuna og hitið í 15 sekúndur í háum hita.  Setjið 1 msk. olíu.  Blandið saman við engiferrrót og hvítlauk og það steikt. Bætt við saxaður rauð pipar og graslauk.   Setjið sherrý saman við og hrærið í 3 sekúndur.  Bætið við 1 tsk sesame olíu og smávegis olíu ef vantar aðeins olíu. 
7. Blandið Appelsínusósu saman við og hitið upp að suðu.  Bætið við kjúklingar sem er búið að steikja saman við og blandið vel saman.  Hitið vel þar til sósan er þykk.   Berið fram strax. 
8. Gott er að setja rifinn appelsínubörkur í sósuna fyrir meira bragð.   Þetta er borið fram með soðnum hrísgrjónum.

Verði ykkur að góðu!  

KFC í Egyptalandi: Döff sjá um rekstur

Á einum KFC veitingastað í Cario í Egyptalandi eru heyrnarlausir sem sjá um reksturinn.  Þau sjá um að afgreiða viðskiptavinir.   Heyrandi sem koma og panta þurfa að benda á matseðilinn um hvað þau vilja fá sér.   Aðeins einn starfsmanna er heyrandi og sér hann um símsvörun.   Nokkrir af starfsliðinu höfðu ekki haft vinnu áður og eru mjög glaðir yfir því að hafa vinnu í dag.  Það er mjög gaman í vinnunni í táknmálsumhverfi.  Það er gaman að sjá þetta og ef ég fer til Egyptalands, mun ég koma við í KFC í Cario þar sem heyrnarlausir vinna.

Hér er slóð að Youtube sem amerískir döff heimsóttu staðinn í janúar 2008.

Hér er grein um Döff í Egyptalandi sem birtist á netinu nýlega. 

Teiknimynd á táknmáli

Táknmál ehf., hlaut í gær - kr. 500 þúsund krónur styrk úr Styrktarsjóði Baugur Group - vegna verkefnis "Fyrsta teiknimyndin í heiminum, þar sem persónurnar tala táknmál".    Þáttaröðin er dönsk, gerð með styrk frá Sambandi evrópskra sjónvarpsstöðva. Þættirnir eru fyrir börn á aldrinum 5-10 ára, bæði heyrandi börn og heyrnarlaus og verða þættir alls 26, hver þeirra tíu mínútna langur. Til þess að hægt sé að sýna hérlendis verður myndin táknmálssett á íslensku.  Það er mjög ánægjulegt að slíkt verður að veruleika hér á Íslandi. Ég vil óska Sigurlínu Margréti Sigurðardóttur til hamingju með styrkinn og er þetta mjög jákvætt fyrir okkur heyrnarlausa. 

Frétt frá heimasíðu ruv.is

35,5 milljónum úthlutað úr Styrktarsjóði Baugs

Heyrnarlaus og saklaus í fangelsi í 18 ár í Noregi

Norðmenn eru hneykslaðir.  Fritz Moen sem er heyrnarlaus maður sat í fangelsi í 18 ár fyrir tvö morð, sem hann framdi ekki.   Árið 1978 var hann dæmdur í 20 ára fangelsi.   Árið 2006 viðurkenndi annar maður á dánarbeði um að hann væri sekur um morðin tvö.  En þar áður vaknaði grunur um að að Fritz sé saklaus og unnu tveir lögfræðingar hans um að mál hans yrði tekið upp sem var samþykkt.

Í ljós kom að æpt og öskrað var á Fritz við yfirheyrslur, sem leiddi til að Fritz játaði á sig morðin tvö, af því hann var skelfingu lostinn og játað af einskærum ótta.  Fritz fékk ekki táknmálstúlk við réttarhöldin og var þetta eins og þoka fyrir honum og greinilega mannréttindi brotin á honum.  Fritz var svo sýknaður fyrir annað morð árið 2004 og svo hitt morðið árið 2006.   En Fritz dó árið 2006.   Blessuð sé minning hans.

Frétt hér frá Noregi.

Norskir dómarar hugsanlega fyrir ríkisrétt