Íslensk málnefnd: Réttarstaða íslenska táknmálsins verði tryggð í lögum

Í dag er dagur íslenskrar tungu.   Í Morgunblaðinu í dag er sagt frá helstu verkefni Íslenskrar málnefndar starfstímabilið 2006-2010.   Meðals annars verði réttarstaða íslenska táknmálsins  tryggð í lögum og meira um þetta hér ... 

Íslensk málnefnd telur brýnt að réttarstaða íslenska táknmálsins verði tryggð og það verði viðurkennt sem fyrsta mál heyrnarlausra, heyrnarskertra og daufblindra, jafn­rétt­hátt íslensku. Lagt hefur verið fyrir Alþingi frumvarp til laga um íslenska táknmálið sem fyrsta mál heyrnarlausra, heyrnarskertra og daufblindra (133. löggjafarþing 2006–2007, þskj. 938, 630. mál; flutningsmenn Sigurlín Margrét Sigurðardóttir og fleiri; áður lagt fram á bæði 130. og 131. lög­gjafar­þingi.) Íslensk málnefnd styður bar­áttu heyrnarlausra fyrir framgangi þessa máls.

Nánar um stefnuskrá Íslenskrar málnefndar.   Góðar fréttir er af þessu máli í dag.   Vona að það verði ekki langt þangað til að íslenskt táknmál verðir viðurkennt sem móðurmál heyrnarlausra.  

Athugasemdir

[Magnús Jónsson, 16.11.2008 kl. 20:24]

Kristinn: er það á stefnuskrá menntamála hérlendis að táknmál verði kennt í grunskólum, mér fyndist það eðlilegasti farvegurinn, er ekki táknmál nánast alþjóðlegt, eða er ég að misskilja þetta allt saman, börn eru svo fljót að grípa hlutina, mér hefur ætíð þótt það mér til minkunar að kunna ekki táknmál.   

[Kristinn Jón Bjarnason, 16.11.2008 kl. 22:16]

Magnús.   Takk fyrir fyrirspurnina.    Það er algengur misskilningur um að táknmál sé alþjóðlegt.  Táknmál eru sjálfsprottin mál sem hafa þróast í samfélagi heyrnarlausra manna alls staðar í heiminum.   Hér á Íslandi er Íslenskt táknmál sem er ólíkt táknmáli í Sænsku táknmáli eða Finnsku táknmáli og svo lengi má telja.   Ég held að það sé ekki á stefnuskrá menntamála hérlendis að táknmál verði kennt í grunnskólum.   En hins vegar er táknmál í boði í einstökum framhaldsskólum sem valnámskeið.   Og meira að segja að hægt sé að útskrifast með BA próf í táknmálsfræði úr Háskóla Íslands.