Ekkert textavarp í Sjónvarpi í gegnum ljósleiðara

Gagnaveita Reykjavíkur vinnur að ljósleiðaravæðingu heimila í samstarfi við fjölda sveitarfélaga og þjónustuaðila.   Sagt er frá heimasíðu Gagnaveitu að ljósleiðarinn sé fullkomnasta gagnaflutningsleið sem völ er á og bjóði upp á nánast óendanlega möguleika til samskipta og afþreyingar– allt á hraða ljóssins.   Vodafone býður upp á sjónvarps-, síma- og Internetþjónustu í gegnum ljósleiðara.  Tal og Hringiða bjóða ekki upp á Sjónvarpsþjónustu.  

Þetta er mjög spennandi kostur.   En það kom vandamál, því Vodafone býður ekki upp á textavarp í gegnum ljósleiðarann.   Með öðrum orðum, þeir sem fá sjónvarp í gegnum ljósleiðarann geta ekki horft á textavarpið né sett textann á - í útsendingu.     Mér skilst að Vodafone sé að kanna hvort þeir geti virkjað textavarpið hjá þeim.    Ef til vill má líkja við að fá gallaðan hlut í hendurnar, þar sem ljósleiðarinn á að vera fullkominn samkvæmt lýsingu Gagnaveitu Reykjavíkur.  

Í dag er hægt að horfa á textavarpið í gegnum breiðband og líka í gegnum ADSL, en það er hægvirkt.    Ég man eftir að ekki var hægt að sjá textavarpið á 888 í gegnum ADSL+ en núna er það hægt.  Ljósleiðarinn á að leysa vandamálið með hraðann.   Ég ætlar bara að bíða með að fá ljósleiðara þar til sá vandinn með textavarpið sé leystur. 

Athugasemdir

[Jón Björnsson (IP-tala skráð) 11.12.2008 kl. 13:48]

Get ekki séð að þetta komi Gagnaveitu Reykjavíkur neitt við.  Þeir bjóða enga þjónustu í gegnum tenginguna.  Það er líka hárrétt hjá þeim að þessi tengning bjoði upp á gríðarlega möguleika á þjónustu.  En eins og alltaf þá þarf að vera markaður fyrir þjónusu til þess að hún sé í boði.  Því miður fyrir þig þá ert þú í miklum minnihluta hvað varðar notkun á textavarpi. 

[Kristján P. Gudmundsson, 11.12.2008 kl. 14:59]

Nokkuð gott innlegg hjá þér, Kristinn. Ég tel að orðið textavarp sé hvorugkyns en ekki karlkyns ?

Gagnaveita Reykjavíkur hlýtur að laga þennann alvarlega galla, nær frá líður. Annað er ekki boðlegt í nútíma samfélagi.

Með kveðju frá Fjallabyggð, KPG.

[Stefán Þór Steindórsson, 11.12.2008 kl. 15:51]

Ég hef oft furðað mig á þessu líka. Nota ljósleiðarann og er ekki enn búinn að sjá hvað er betra við hann þar sem þjónustan er nær eingin.... vodafone bíður uppá afturför til þeirra daga þar sem íslendingar vissu ekki hvað þessir lituðu takkar á fjarstýringunni þýddu.  

 Hárrétt hjá Kristjáni að það er hvorukyn og því ætti fyrisögnin að vera.

Ekkert textavarp í Sjónvarpi í gegnum ljósleiðara

[Kristinn Jón Bjarnason, 11.12.2008 kl. 16:54]

Kærar þakkir fyrir ábendingar og þarft er að vekja athygli á þessari umræðu.   Í dag er 11. desember á árinu 2008.   Tæknin er betra nú en fyrir nokkrum mánuðum eða árum.   Textavarpið í Sjónvarpinu kom fyrst fram fyrir fimmtán árum.   Og í Evrópu er verið að nota textavarpið mikið.   Nú er texti sýndur í beinni útsendingu í Bretlandi í gegnum textavarpið.   Upplýsingar um komu og brottför flugvéla í Keflavík er uppfært í gegnum textavarpið og er mikið notaður.     Ég tel að margir nota textavarpinn, enda eru fréttir og slíkt uppfært daglega og mörgum sinnum á dag.   Ég er viss um að neytendur í Bretlandi verða reiðir ef kemur ekkert textavarp í sjónvarpi þeirra.   Enda er það afturför til þeirra daga þegar textavarpið var ekki til og á að halda áfram að þróa tæknina sem er að koma en ekki taka hana burt.    

[Kristinn Jón Bjarnason, 11.12.2008 kl. 16:55]

Fyrirsögnin hefur verið leiðrétt.  Takk Stefán og Kristján fyrir ábendinguna. 

[Vodafone, 15.12.2008 kl. 12:07]

Ágæti Kristinn Jón

Eftir að hafa fengið ábendingar um þessa bloggfærslu var málið kannað, enda á Textavarpið  að vera aðgengilegt þeim sem velja að fá sjónvarpsþjónustu um ljósleiðara.  Við þá athugunum kom í ljós bilun, sem olli því að útsendingar Textavarpsins á kerfinu lágu niðri. Það hefur nú verið lagfært og til viðbótar hefur textavarp stærstu sjónvarpsstöðvanna á Norðurlöndum einnig verið sett inn. 

Við skiljum vel mikilvægi þess að Textavarpið virki eins og fólk er vant. Að sama skapi vonum við, að notendur tæknilegum vandamálum skilning jafnvel þótt slíku fylgi óþægindi, sem við biðjumst að sjálfsögðu velvirðingar á. Kær kveðja,
Hrannar Pétursson
upplýsingafulltrúi Vodafone

[Stefán Þór Steindórsson, 15.12.2008 kl. 12:39]

Vá... Ég var í eitt ár brjálaður yfir þessu og spurði oft um þetta hjá Vodafone en það voru eingi svör. Svo þegar eitt blogg birtir þetta þá er rokið til og málið kannað. Er ekki eitthvað mikið að hjá Vodafone þegar þeirr þurfa að láta vandamálin fara í fjölmiðla áður en lausn er fundin?