Fréttaflutningur túlkað á táknmáli

Í fyrradag, mánudag 6. október voru fréttir í beinni útsendingu í ljósi ástands hérlendis túlkaðir á táknmáli og svo Kastljós einnig túlkaðir á táknmáli líka.  Þetta var frábært.  Nú horfði ég á þetta loksins og gat skilið um hvað verið að tala um.   Það voru tvær táknmálstúlkar sem túlkuðu allt.  

Í maí varð stór jarðskjálfti á Suðurlandi og var ekkert textað né ekkert á táknmáli.   Því fór þetta allt framhjá heyrnarlausum.    Þá var táknmálsfréttir fellt niður þann dag og án samráðs við heyrnarlausa.   Heyrnarlausir fengu engar upplýsingar um Suðurlandskjálftann frá ljósvakamiðlum þann dag.   Félag heyrnarlausra sendi kvörtun vegna þess til RÚV sem var birt í fjölmiðlum.   Í framhaldi af því var gerð viðbúnaðaráætlunin sem gerir túlkun staðlaða ef til aukafréttatíma kemur vegna stóratburða líkt og Suðurlandsskjálftann. Þetta þýðir að túlkað verður í einu horni sjónvarpsins á meðan fréttaflutningi stendur.  

Táknmálstúlkarnir Árný Guðmundsdóttir og Gerður Ólafsdóttir stóðu sig frábærlega.   Takk fyrir mig.  

Athugasemdir

[Limebright McStink (IP-tala skráð) 8.10.2008 kl. 15:33]

Datt inn á þetta blogg af mbl.is, langaði að deila hrifningu minni af frönsku textavarpi. Það eru 95% sjónvarpsefnis á fríu rásunum fimm í Frakklandi textað með textavarpinu. Ég er ekki heyrnarskertur en geri mér fulla grein fyrir mikilvægi þess að texta fyrir fólk sem heyrir ekki vel, nú eða bara eins og fyrir mig, útlending sem hefur tækifæri til að heyra og sjá tungumálið samtímis, horfandi á sjónvarpið. Það hefur hjálpað mér mikið hingað til.

Ég veit ekki hvort þú þekkir til textunar með textavarpinu, síðast þegar ég var heima reyndi ég að nota síðu 888 til að texta fyrir konuna mína, en það vantaði alltaf helminginn af stöfunum og textinn breyttist ekki nema á nokkurra mínútna fresti. Hér úti er þessu allt öðruvísi farið, textinn kemur alltaf undir persónunni sem er að tala, ef persónan er ekki í mynd er textinn gulur, ef um umhverfishljóð er að ræða þá er textinn rauður og ef þeir tala útlensku (ekki frönsku) þá er textinn rauður, og svo framvegis. Beinar útsendingar eru meira að segja textaðar, en þá er textinn eðlilega svolítið á eftir og kemur inn orð fyrir orð.

Ég er í það minnsta mjög hrifinn af því hvernig þetta er gert hér í frans, ég veit ekki hvort það virkar að nota textavarpið í gegnum fjölvarp eða svoleiðis, en fyrir þá sem vilja prufa þá veit ég að Arte (France 5) og M6 nást í foreldrahúsum mínum sem kaupa aukaáskrift með útlenskum stöðvum. Og meðan ég man, það er hægt að sjá þingfundi og fleira hér, þar er alltaf túlkur í horninu!

 Gangi þér sem best í baráttunni fyrir málstaðnum, courage aux malentendants,

Limebright McStink

[Limebright (IP-tala skráð) 8.10.2008 kl. 19:01]

Afsakið, mismælti mig í fyrri athugasemd, vildi sagt hafa að þegar töluð er útlenska, ekki-franska, þá er textinn grænn! (ekki rauður)

Enn frekari baráttukveðjur,

Limebright

[Beturvitringur, 9.10.2008 kl. 01:47]

Sammála þér með ánægju með táknmálstúlkun, sérstaklega þegar slík ósköp á.

Mér finnst hreint skelfilegt að sjá að ekki hafi komist bein skilaboð til heyrnarskertra í/um/við/eftir jarðskjálftann/ana.  Ég get rétt ímyndað mér hvernig það hlýtur að vera að finna jörðina skekjast undir fótum manns, - heyra það ekki (nema "inní sér") og fá engar skýringar, fréttir, leiðbeiningar og þ.u.l.  með þörf er á (lítið gagn að láta segja sér að það hafi verið "jarðskjálfti í gær!"

Rosalegur kraftur er í "þessum stelpum" / túlkunum.  Verð líka að segja það að sökum forvitni horfi ég jafnoft á þær, bara svona til að sjá hvernig hitt eða þetta sé túlkað :)

Gangi þér vel