Leiðsögn hér á landi á táknmáli

Í 24 stundir í dag var smáfrétt um að fjöldi ferðamanna fer faxandi og um að sumarið er helsti ferðamannatíminn hérlendis.  Í fréttinni kom fram að samkvæmt upplýsingum frá Félagi leiðsögumanna fer leiðsögn fram á Íslandi á 21 tungumáli að íslensku og táknmáli meðtöldu.  

Það er mjög gott og að leiðsögumaður frá félagi leiðsögumanna er táknmálstalandi.  Ég man eftir ferð sem ég fór með heyrnarlausum fyrir nokkrum árum og naut hverrrar mínútur þegar það var túlkað á táknmáli og var mjög fróður eftir ferðina. 

Það væri gaman ef þetta væri auglýst og hvort séu einhverjar sérstakar ferðir um að ræða eða hvort það fari eftir óskum frá heyrnarlausum eða táknmálsnotendum.  Spurning er hvernig geta heyrnarlausir verið vissir um að fá leiðsögn á táknmáli í skipulögðum ferðalögum innanlands eða við hverja hafa þau samband.    

Þetta er mjög gott framtak hjá Félagi leiðsögumanna um að auka aðgengi heyrnarlausra. 

Athugasemdir

[Anna, 1.5.2008 kl. 11:00]

Sæll Kristinn Jón, ég ákvað að kvitta fyrir innlit og hrósa blogginu.  Mér sem sæmilega heyrandi manneskju finnst gaman að lesa og fræðast um málefni heyrnarlausra. Vona að öll þjónusta og fræðsla eflist.

[Kristinn Jón Bjarnason, 1.5.2008 kl. 11:53]

Sæl Anna.  Takk fyrir kommentið og hrósið.  Það er gaman að vita að fleiri eru að lesa bloggið mitt.    Bestu kveðjur, Kristinn