Heyrnarlausir innflytjendur á Íslandi

Á árunum 2006 til 2007 fluttust margir heyrnarlausir til Íslands og voru þau að leita sér vinnu og eignast heimili.  Þá kom í ljóst að Ísland var ekki tilbúin til að taka við stóran hóp innflytjenda sem voru heyrnarlausir.

Verkefnið hlaut styrk úr Þróunarsjóði innflytjendamála hjá félags- og tryggingamálaráðuneyti Íslands í apríl 2010. Í þessu rannsóknarverkefni er ætlunin að kanna hvernig er staða innflytjenda sem eru heyrnarlausir á Íslandi.Markmið rannsóknarinnar er að reyna að fá eins skýra mynd og hægt er af stöðu heyrnarlausra innflytjenda á Íslandi. Þá var hópurinn borinn saman við heyrandi sem eru innflytjendur eða heyrnarlausir á Íslandi.

Helstu niðurstöður rannsóknarverkefnisins er að staða heyrnarlausra innflytjenda virðist vera veikari en heyrandi og heyrnarlausra íbúa á Íslandi. Margir innflytjendur sem eru heyrnarlausir virðast ekki hafa náð góðum tökum á íslensku sem getur veikt möguleika þeirra í upplýsinga, atvinnu- og menntunarmálum.Mælt er með að efla ráðgjöf og upplýsingar með námskeiði í íslensku táknmáli, íslensku og menningarsögu heyrnarlausra. Bætt íslenskukunnátta, kunnátta í íslensku táknmáli og túlkaþjónusta myndi leiða til þess að sjálfsmynd og sjálfstraust heyrnarlausra myndi eflast til muna og eru það sjálfsögð mannréttindi.

Skrár tengdar þessari bloggfærslu:

• Rannsóknarskýrsla Heyrnarlausir innflytjendur á Íslandi

Gleðileg jól

Ég vil óska öllum lesendum á bloggsíðuna mína, gleðilegs jóls. Vona að þið hafið það gott um jólahátíðina.

Séð árið á 40 sekúndum

Nú er árið 2008 liðið og nýtt ár 2009 tekur við.     Ég rakst á skemmtilega mynd sem er má kalla "árið á 40 sekúndum".  Það er gaman að sjá hvernig landslagið breytist á 40 sekúndum og þar er vor, sumar, haust og vetur eða sem sagt allar árstíðir horft á sama stað.   Hér er slóðin. 

Árið 2008 senn á enda

Við lok ársins 2008 er margt að minnast frá árinu sem er að líða.      Ég myndi minnast helst á ástandið sem er búið að vera hér á Íslandi síðustu þrjá mánuði ársins.   Þetta var óvissuástand,  fjöldi manns misstu vinnuna, verðbólgan varð mikil, lánin hækkuðu og fleira má telja upp.  Þetta er dapurlegt tímabil sem ég vona að við upplifum ekki það aftur.  Svo má minnast á þegar Íslenska landsliðið karla í handbolta vann silfurverðlaun á Ólympíuleikum í Kína.    Landsliðið sýndi mikil afrek.  

Hvað varðar mig sjálfan var ég á skólabekk á árinu 2008.   Er núna meistaranemi við Háskóla Íslands og stundaði nám á vormisseri og haustmisseri.  Námið hefur gengið mjög vel og hef ég lært mikið í náminu.  Ég byrjaði að blogga í febrúar 2008 og hef bloggað aðallega um textun og táknmál og minnst aðeins um heyrnarlausa þegar er talað um þá í fjölmiðlum.  Í maí 2008 fór ég til Hawaii og borgaði ekkert neitt í flugið nema tíu þúsund krónur í flugvallaskatt.  Það kom mér á óvart hversu amerískt var í Hawaii.   Þetta var skemmtilegt ferðalag og yndislegt að vera þar.   Ég flaug þá í samtals um 36 tímar með mörgum flugvélum.     Sumarið 2008 var mjög gott, veðrið var mjög gott og margt skemmtilegt að gera hér á Íslandi.    Fór í Skaftafell og svo til Egilsstaða.   Sá Kárahnjúkavirkjun sem er risastórt.   Landslagið á Ísland er mjög fjölbreytt og gaman að virða það fyrir sér.   Fór til Dalvíkur á fiskidaginn mikla.  Mamma mín átti 75 ára afmæli og aftur fór ég til útlanda og þá til Englands með fjölskylduna til að fagna afmæli hennar í ágúst.   Við vorum í Cornwall sem er mjög fallegur staður og var eins og að hverfa aftur í tímann.  Þetta var mjög notalegt.  Í húsinu sem við vorum í sem var reyndar vel yfir 100 ára gamalt,  brakaði gólfið þegar ég gekk um á efri hæðina.  Svo var plantað nokkrum trjám í landinu mínu.       

Núna í janúar 2009 hefst vinnan við meistararitgerðina mína.  Það verður nóg að gera í því og því stefni ég að því að útskrifast með meistaragráðu á nýja árinu.  Hvað tekur svo við er óráðið.  Það verður bara spennandi á árinu 2009 og er ég hæfilega bjartsýnn.  

Þessi bloggfærsla er síðasta bloggfærslan mín á árinu 2008.   Ég vil færa lesendum bloggsíðuna mína og vinum mínum og kunningjum, nær og fjær, mínar innilegustu nýárskveðjur, með þakkir fyrir allt hið gamla og góða.  Óska ég þeim farsældar á nýju ári og þakka þeim samfylgdina á árinu sem er að líða.   Vonandi verður nýja árið okkur öllum gjöfult og gott! Hafið þið það gott á nýju ári. 

Gleðileg jól

Ég vil óska öllum lesendum á bloggsíðuna mína, gleðilegs jóls.   Vona að þið hafið það gott um jólahátíðina.  

Vodafone hefur lagað textavarpið í gegnum ljósleiðara

Í síðustu viku bloggaði ég um að ekkert sé hægt að sjá í textavarpi í gegnum ljósleiðara hjá Vodafone.   Bloggið mitt hafði áhrif og málið var kannað hjá Vodafone.  Þá kom í ljós að bilun sem olli því að útsendingar Textavarpsins lágu niðri.  Það er búið að laga þetta og nú hefur verið lagfært og til viðbótar hefur textavarp stærstu sjónvarpsstöðvanna á Norðurlöndum verið sett inn.  Eftir er að setja inn fyrir Bresku stöðva.   

Vodafone brugðust hárrétt við þessu,  löguðu þetta og skrifuðu inn athugasemdafærslu í blogginu mínu þar sem fyrirtækið telja að Textavarpið eigi að vera aðgengilegt þeim sem velja að fá sjónvarpsþjónustu um ljósleiðara.    

Ég vil þakka öllum sem brugðust við blogginu mínu og sérstaklega Vodafone fyrir skjót og góð viðbrögð.  Alltaf má gera betur og það er ánægjulegt að sjá að Vodafone hefur vilja gera betur.   Takk kærlega. 

Ekkert textavarp í Sjónvarpi í gegnum ljósleiðara

Gagnaveita Reykjavíkur vinnur að ljósleiðaravæðingu heimila í samstarfi við fjölda sveitarfélaga og þjónustuaðila.   Sagt er frá heimasíðu Gagnaveitu að ljósleiðarinn sé fullkomnasta gagnaflutningsleið sem völ er á og bjóði upp á nánast óendanlega möguleika til samskipta og afþreyingar– allt á hraða ljóssins.   Vodafone býður upp á sjónvarps-, síma- og Internetþjónustu í gegnum ljósleiðara.  Tal og Hringiða bjóða ekki upp á Sjónvarpsþjónustu.  

Þetta er mjög spennandi kostur.   En það kom vandamál, því Vodafone býður ekki upp á textavarp í gegnum ljósleiðarann.   Með öðrum orðum, þeir sem fá sjónvarp í gegnum ljósleiðarann geta ekki horft á textavarpið né sett textann á - í útsendingu.     Mér skilst að Vodafone sé að kanna hvort þeir geti virkjað textavarpið hjá þeim.    Ef til vill má líkja við að fá gallaðan hlut í hendurnar, þar sem ljósleiðarinn á að vera fullkominn samkvæmt lýsingu Gagnaveitu Reykjavíkur.  

Í dag er hægt að horfa á textavarpið í gegnum breiðband og líka í gegnum ADSL, en það er hægvirkt.    Ég man eftir að ekki var hægt að sjá textavarpið á 888 í gegnum ADSL+ en núna er það hægt.  Ljósleiðarinn á að leysa vandamálið með hraðann.   Ég ætlar bara að bíða með að fá ljósleiðara þar til sá vandinn með textavarpið sé leystur. 

Táknmál inn í tillögur Íslenskrar málnefndar að íslenskri málstefnu

Íslenska til alls : tillögur Íslenskrar málnefndar að íslenskri málstefnu nefnist tillögur Íslenskrar málnefndar að íslenskri málsefnu sem nefndin vann fyrir menntamálaráðherra.   Ritið er komið út og hægt að nálgast hér. 

Íslenska málnefndin er með markmið að lagaleg staða íslensks táknmáls verði tryggð.  Í ritinu er oft rætt um táknmál. 

Meðals annars er sagt :

Jafnframt er nauðsynlegt að taka tillit til þeirra er hafa íslenska táknmálið að móðurmáli. Brýnt er að tryggja lagalega stöðu íslenska táknmálsins og þar með rétt þeirra er hafa það að fyrsta máli. Oftar en einu sinni hefur verið lagt fyrir Alþingi frumvarp um íslenska táknmálið (nú síðast á 135. löggjafarþingi 2007–2008; þskj. 12, 12. mál) en það hefur enn ekki orðið að lögum.

Í ritinu er sagt frá því að íslenska málnefndin vill að skipuð verði nefnd sérfróðra manna til að finna skynsamlegustu leiðina til að tryggja lagalega stöðu íslenskrar tungu og íslensks táknmáls í íslensku samfélagi.

Sagt er frá því að sjálfsagt er að texta íslensks sjónvarpsefnis en ekki sé allt textað og telja að gera má betur í því.

Það er fagnaðarefni ef íslenska táknmáli verði viðurkennt sem móðurmál heyrnarlausra innar tíðar. 

Íslensk málnefnd: Réttarstaða íslenska táknmálsins verði tryggð í lögum

Í dag er dagur íslenskrar tungu.   Í Morgunblaðinu í dag er sagt frá helstu verkefni Íslenskrar málnefndar starfstímabilið 2006-2010.   Meðals annars verði réttarstaða íslenska táknmálsins  tryggð í lögum og meira um þetta hér ... 

Íslensk málnefnd telur brýnt að réttarstaða íslenska táknmálsins verði tryggð og það verði viðurkennt sem fyrsta mál heyrnarlausra, heyrnarskertra og daufblindra, jafn­rétt­hátt íslensku. Lagt hefur verið fyrir Alþingi frumvarp til laga um íslenska táknmálið sem fyrsta mál heyrnarlausra, heyrnarskertra og daufblindra (133. löggjafarþing 2006–2007, þskj. 938, 630. mál; flutningsmenn Sigurlín Margrét Sigurðardóttir og fleiri; áður lagt fram á bæði 130. og 131. lög­gjafar­þingi.) Íslensk málnefnd styður bar­áttu heyrnarlausra fyrir framgangi þessa máls.

Nánar um stefnuskrá Íslenskrar málnefndar.   Góðar fréttir er af þessu máli í dag.   Vona að það verði ekki langt þangað til að íslenskt táknmál verðir viðurkennt sem móðurmál heyrnarlausra.  

Samskiptamiðstöð heyrnarlausra og heyrnarskertra flytur bráðum

Samskiptamiðstöð heyrnarlausra og heyrnarskertra (SHH) hefur verið starfandi síðan áramótin 1990-1991.  Fyrst við Vesturhlíð og síðar í Sjómannaskólanum.   Síðustu mánuðir hefur verið óljóst um húsnæði fyrir SHH.  Nú fær SHH húsnæði að Suðurlandsbraut 12.   Á næstunni verður húsnæðinu breytt eftir þörfum SHH og stefnt er svo að flytja líklegast um áramótin.     Ég er því viss um að þjónusta SHH verður enn betri með betri húsnæði.    SHH er mjög mikilvæg þjónustu- og þekkingarmiðstöð fyrir samfélag heyrnarlausra.  Ég fagna góðu frétt á þessum tíma.